عن الإساءة لسيدنا “محمد” … هل تعلم إنك بتساعدهم وبتحقق الى هما أساسا عاوزينه؟

أنا شفت الفيلم المسئ للأسف وشايف بدل مانشتمهم ونتوعد ونولع الدنيا (دا الى هما أساسا عاوزينه) إننا نحارب الفكر بالفكر بمعنى، نوضح للعالم حقيقة النقط الى لعبوا عليها … الفيلم بإختصار بيلعب على فكرة إن الرسول (عليه الصلاة والسلام) كان مزواج وإتجوز السيدة عائشة وهيا طفلة وبيتكلم عن الرق والغزوات والتعامل مع الأخر وإن الإرهاب إنتشر بإنتشار الإسلام والإضطهاد و الحاجات الى هما دايما بيشككوا الناس بيها  وبيغلطوا الحقائق فيها لانها مبهمة عند كثير من الناس بما فيهم ناس مسلمين مابيعرفوش يردوا عليها أساسا، فا الصح مش إننا نشتم لان الى هتشتمه هياخد دا إسكرين شوت ويقولك شوفت أهم همج زى مانا قلت ومعندهمش تفسير وحتى لو اتمسح الفيديو (بعد ماعملنا كلنا هجوووم عليه) واتسجن الى عمله هيفضل فى كرهه وشك جوا كل واحد شاف الفيديو ومحدش تانى حاول يوضحله وجهه النظر الصح …. الحل من رأيى المتواضع إننا نوضح للعالم كله بما فيهم المسلمين إيه حقيقة وأسباب الحاجات دى لان الغزو الفكرى أكبر بكتييييييييير من الغزو الإقتصادى (لو قررت تقاطع منتجات) أو الغزو السياسى (لو قررت تقطع علاقات) والغزو الهزيي (لو قررت تشتم وتتوعد بأقصى رد) !!

كتبها: شادى كمال قنديل

كل كلمة موجودة فى هذة المدونة انا من كتبها دون نقل أو مساعدة لذا فهى حق أصيل لى و تعبر عن رأى شخصى وغير مسموح بالنشر أو الأقتباس دون الرجوع لى لأن معظم المواضيع مسجلة بحقوق ملكية فكرية خاصة بى وموثقة, لذا أى نقل بغير موافقة شخصية منى أو إشارة للكاتب والموضوع الأصلى يعتبر سرقة