الإسلام الذى ينتشر فى الغرب الكافر و يتلاشى فى الشرق المؤمن

بعد احداث 11 سبتمبر مسلمين الشرق الاوسط بدأوا فى رد العنف ضد الغرب بعنف ولكن مسلمين الهند عملوا فيلم My Name is Khan .. مجرد فيلم حرام من وجهة نظر الكتير من المسلمين الى ضد معظم الفنون او كلها تقريبا بس الفيلم دا وصل لاحسن 10 افلام ف امريكا ف تصنيف ال Box Office وساهم بطريقة مباشرة ف زيادة الوعى عن الاسلام ومعاناة المسلمين بعد الاحداث وانتفاض جمعيات حقوق انسان كتير لحماية المسلمين ك جزء من المجتمع الامريكى.

Cover of "My Name Is Khan"

Cover of My Name Is Khan

زى بالضبط احداث الفيلم المسئ , مسلموا الغرب وزعوا كتب ببلاش فيها تعريف بالرسول وتفسير ليه قام بحروب وغزوات وتزوج السيدة عائشة صغيرة ف السن ومسلموا الشرق الاوسط فّجروا سفارة وقتلوا سفير وتهجموا على ممتلكات غربية لاثبات ان السلميين مش ارهابين او همجيين او قتله!! (كوميديا سوداء)

المسلمين ف الغرب حديثى الاسلام واجهة مشرفة للاسلام وممكن تعمل بحث بسيط عن عدد المسلمين الى بيزيد فى دول الكفرة اعداء السلام زى فرنسا والمانيا.
و مسلمين الشرق اللوسط او العرب تحديدا من اكثر مسلمى العالم تشدد وفساد وشهوانية وتطّرف وتنفير من الدين و بحث بسيط برضه على النت هتعرف ان الالحاد بيزيد والمسليين الجنسيين برضه بيزيدوا والتحرش بيزيد والسرقة والفساد المالى والسياسى وارتفاع معدلات الجهل والفقر والقائمة طويلة!!

السخرية ف ان الغرب الكافر فيه تعاليم اسلامية وانتشار للدين الاسلامى والشرق المسلم مبيحصلش فيه غير صلاة وصوم ومع ذلك بيقل عداد المسلمين المؤمنين وبيزيد عدد المسلمين بالفطرة الى طلعوا مسلمين بس علشان ابوهم مسلم!! ورفضك لتصديق الحقيقة دى من اسباب تاخرنا.

فى الغرب اسلام بلا مسلمين وف الشرق مسلمين بلا اسلام.لو الكفرة بيشوهوا دينا بنسبة 40% احنا بنشوهه بنسبة 60% باثبات كلامهم عننا والى بيحصل بين المسلمين باختلاف اطيافهم ف مصر وسوريا والعراق وليبيا خير دليل ومعدلات الاغتصاب والتحرش والفساد السياسى والاقتصادى والفقر والجوع بين مسلمين العرب مخيف لدول كل تعاليم دينها ضد واقعها.

احنا عايشين فى مستنقع اسمه ان كل العالم عامل مؤامرة علينا وان العيب مش فينا لأ احنا ف ابتلاء ولو طبقنا الشريعة هنتقدم ولو حاربنا ولو ولو ولو.. شماعة بتتحط جنب شماعة فى دولاب اسمه احنا مضطهدين ومش بنغلط وهندخل الجنه علشان راضين مش بنفكر ندخلها علشان نتسامح ونورى العالم جمال الاسلام ونرجعه لعصور زمان بدل مالناس رجعت ف الشارع تكره الدقون تانى!

كل الى هيفرق معاك دلوقتى تهاجم شخصى ف انك تقول تعرف ايه انت ولاّ مؤهل تتكلم كدا ازاى ولاّ تعرف ايه عن المجاهدين الى بيفجروا نفسهم ولاّ تعرف ايه عن الشريعة ولاّ تعرف ايه عن الابتلاء ولاّ تعرف ايه عن الى بيحصل ف مسلمين العالم من فلسطين للشيشان وبورما ولّا ولاّ .. هتهاجمنى وتحط راسك ف الرملة تانى وتتغاضى عن تطرفنا وارهابنا وعدم تقبلنا للاخر زى مابيعملوا بالضبظ ومش هتعترف بعيوب مجتمعنا وتعليمنا وتعاملنا وهتفضل عايش ف وهم ان كل مشاكل المسلمين من الغرب الى بينفذ خطة الشرق الاوسط الكبير وهتنسى اننا اضعف واقل من اننا نستحوذ على اهتمام 10% من عالم دلوقتى العلم اهم اولوياته واحنا لسه رجعيين وترتيب افضل 100جامعة ف العالم خير دليل اننا مش على خريطة المجتمعات المتقدمة اساسا!!

العيب أولا فينا.

by: Shadi Kamal Kandil