ما وراء البوسة *_*
– ماما هّوا الناس بتخّلف ازاى؟
– اسأل بابا يا حبيبى!
– بابا الناس بتخّلف ازاى؟
– إسأل ماما !!
– سألتها و قالتلى اسأل بابا !!
– بص يا سامح يا حبيبى الست بتبقى حامل لو الراجل بسها فى شفايفها.
– الاء يا الاء ممكن العب معاكى بالعلوسة دى؟
– اوكى يا سامح تعالى..
– انا نفسى يبقى عندى بيبى بجد يا الاء مش عروسة..
– وانا كمان يا سامح..
– بابا قالى الى بيبوس بنت فى شفايفها يتبقى حامل, تيجى نجيب بنوتة نلعب بيها؟
– بس انا خايفه يا ثامح..
ماتخافيش يا الاء
.. اموووووووه
– ايه يا لولو يا حبيبتى عملتى ايه ف المدرسة؟
– انا حامل يا ماما..
– بتقولى ايه يا بنت الكلب؟ امتى و ازاى؟!!
– ثامح ابن طنط امال باسنى علشان نجيب نونو.. هّوا قالى كدة.
– الو ايوه يا امال ينفع الى ابنك عمله دا؟
– و عليكم السلام. بالراحة يا سعاد, عمل ايه الواد؟
– باس بنتى فى شفايفها ينفع كدة؟!!!
– يوه يخيبه الواد تلاقيه شاف ابوه وهوا مقعدنى على رجله و بيبوسنى.
– هوا عبدالوهاب بيقعدك على رجله و كمان بيبوسك فرنشات؟
– اه طبعا.. هوا اسماعيل مابيعملش كده؟
– لا يا امال !!
– معلش يا سعاد يا حبيبتى.. قلبى عندك.
– منجلجيش ف حاجة وحشة يا أمال ..
– عاوزة حاجة؟
– سلامتك يا حبيبتى.
– سلام.
– سلام.
Writen By: Shadi Kamal Kandil – Twitter: @shadi_casper
كل كلمة موجودة فى هذة المدونة انا من كتبها دون نقل أو مساعدة لذا فهى حق أصيل لى و تعبر عن رأى شخصى وغير مسموح بالنشر أو الأقتباس دون الرجوع لى لأن معظم المواضيع مسجلة بحقوق ملكية فكرية خاصة بى وموثقة, لذا أى نقل بغير موافقة شخصية منى أو إشارة للكاتب والموضوع الأصلى يعتبر سرقة
